Oinarrizko hiru elementu lantzen ditugu:

  • Eskolako eta inguruko ingurumenaren jasangarritasuna
  • Curriculumaren berrikuntza
  • Komunitatearen parte-hartzea
“ Inguru naturala ezagutu eta maitatzen ikasiz”

Ingurugiroaren defendatzaileak gara – Agenda 2030

Abiatu berri dugun 2020-2021 ikasturtean, orain arte ezaguna genuen Eskolako Agenda 21 programa Eskolako Agenda 2030ean bihurtu da. Agenda berri hau, Nazio Batuetako Erakundeak adostutako Garapen Iraunkorreko 17 Helburuetan oinarritzen da. Helburu hauek 2015eko irailaren 25ean onartu zituzten NBE osatzen duten 193 herrialdek, nagusiki mundu mailan pobrezia desagerrarazi, planeta babestu eta pertsona guztiei oparotasuna bermatzeko.

“Agenda 2030” eskolaren eta inguruaren jasangarritasunaren eta kalitatearen alde hezkuntza komunitateak aurrera eramaten duen konpromiso eta ekintza-plan bat da. Plan honek ikasleei beren ingurumen hurbilaren arazoa aztertu eta ulertzea ahalbideratzen die eta hiritar gisa bidezkoagoa eta ekologikoki jasangarriagoa izango den gizarte baten alde aritzeko prestatzen ditu. Horretarako, Tolosaldea eskualdeko eskolekin batera, urtero, ingurumenarekin lotura duen gai bat aukeratzen da lantzeko. Eskolako eta herriko diagnosia burutu eta gero, hobekuntza plana eta hainbat ekintza definitzen dira. Azkenik, herria hobetzeko proposamenak udaleko alkateari luzatzen zaizkio. Aurtengo gaia: “Eskola iraunkorra herri iraunkorrean”.

Eskola baratza

Baliabide bikaina da ikasleek natur eta giza inguruneari buruz esperientziak izan ditzaten, besteak beste:

  • Natura eta gizakiaren arteko harremana hobeto ulertzeko.
  • Ingurumenaz arduratzeko.
  • Ohitura egokiak praktikan jarri eta barneratzeko.
  • Gure aurreko belaunaldiaren bizimodua ezagutu, ulertu, haiengana hurbildu eta esperientziak partekatzeko.
  • Lehenengo sektorearen garrantziaz jabetu eta herriko eragileen lanak ezagutzeko.

Beraz, baratza baliabide didaktiko egokia dela iruditzen zaigu ikasleen garapen pertsonala eta oinarrizko lantzeko.

Hamaiketako osasungarriak

HAUR HEZKUNTZAN hamaiketako osasuntsua egiten dugu egunero. Haurrek modu autonomoan eta taldean hamaiketakoa prestatzen dute gelakide guztientzat, eguneroko menua ezberdina delarik.

LEHEN HEZKUNTZAN “Gorputza zain dezagun”, “Elikagaiak” bezalako gaiak landuz “HAMAIKETAKO OSASUNTSUA” eta “OSTEGUNA FRUTA EGUNA ” proiektuak burutzen ditugu, hamaiketako osasuntsuak egitera animatzen ditugularik.

BIZI HEZI PROIEKTUA

“BERDEAN MUGITZEN GARA!”