“FIRST LEGO LEAGUE” 2025

Aurten ere 6.urtez “First Lego League” txapelketan parte hartu dugu, gure eskolako STEAM proiektuaren barne dagoen ekintza delarik: https://flemingeskola.eus/steam/

Ozeanoaren % 80 baino gehiago esploratu gabe dago, eta horrek aukera handiak eskaintzen dizkie buru bitxiei espedizioetan murgiltzeko. Denboraldi honetan, taldeek pertsonek ozeanoak nola eta zergatik esploratzen dituzten ikasi dute. Ozeanoaren gainazalean egiten ditugun aurkikuntzek erakusten digute ekosistema konplexu horrek etorkizun osasungarria duela han bizi diren landare eta animalientzat.

https://www.innobasque.eus/eu/educacion-steam-eu/first-lego-league-euskadi/

Aurten Fleming Herri Eskolatik 8 talderekin joan gara txapelketara. 1., 3., 4., 5. eta 6.mailako ikasleek parte hartu dute eta beti bezela esperientzia benetan aberatsa izan da. Eskolan lan handia egin dugu: gaiaren inguruko lanketa (proiektua aukeratu, landu, adostu,…), alderdi teknikoa (robotak sortu, programatu,…) eta txapelketarako aurkezpena prestatu (antolatu, landu, entsaiatu,…). Lanketa handia suposatzen du, baina baita ikaskuntza handia ere. Ikaskuntza multidisziplinarra, alderdi ugari bere baitan hartzen dituena. Gainera bereziki talde lana sustatzeko esperientzi paregabea da. Taldean adostu behar da ze proiektu egin, proiektu hori gauzatu eta aurrera atera denen artean. Bidean oztopoak elkarrekin gainditu eta aurkezpenean elkar lagundu. Guztien artean proiektua aurrera atera eta defendatu behar da, ardura guztiona delarik. Beraz indarrak batu behar dira, elkarri lagunduz eta elkarlanean arituz, taldea eginez alegia.

Aurkezpen bikainak egin dituzte talde guztiek, benetan proiektu interesgarriak landuz eskolan eta primeran defendatuz epaimahaien aurrean, beraz ZORIONAK guztiei (egun horretan parte hartu duzuenei eta ez duzuenei ere, proiektua guztiena baita). Etorkizuneko ikerlari eta zientzilariak zarete!!

Aurten Donostian izan da. Familiak ere gerturatu dira aurkezpenetara eta asko eskertu dugu etxekoen babesa sentitzea, beraz milesker!!

Eta gure helburu nagusia esperientzia honekin gozatzea eta ikastea den arren, aurten ere saria jaso dugu eta hau gustora hartzen dela ere aitortu behar dugu, “ETORKIZUN OPAROKO GAZTEAK SARIA” jaso dugu berriro!!! Argi dago gure eskolan etorkizun bikaina dagoela!!!! Hala ere, saririk hoberena, ikasleak egun horretan bizitzen duten poza eta motibazioa da zalantzarik gabe!! Horretaz bai gaude guztiz harro!! Gora Fleming Herri Eskola!!

Aurten ere “Euskal Eskola Publikoaz Harro” kamisetekin joan gara, txapelketako eskola publiko bakarretakoa garela aldarrikatu nahi dugulako, eta gure baloreak zeintzuk diren adierazi nahi ditugulako!!

FLEMINGO ARGAZKIAK:

ARGAZKI OFIZIALAK:

ELKARRIZKETA:

Search

MATRIKULA ZAITEZ!

INFORMAZIOA

ARGAZKIAK

BIDEOAK

Blogak